Nidominar si Matthew nga nagrepresenta sa CALABARZON ang pagumangkon sa unang Filipino Olympic champion nga si Hidilyn Diaz sa Secondary Boys’ 48kg division human naalsa ang 73kg sa snatch ug 93kg sa clean and jerk.
Susama sa iyang iyaan, gusto usab ni Matthew nga morepresenta sa Pilipinas sa Olympic stage.
Kahibaluan nga ang weightlifting gibalik isip demonstration sport karong tuiga, busa ang mga medalya nga nadaog niini nga kategoriya dili maapil sa total medal tally.
Nasayran nga si Hidilyn, kinsa maoy kampiyon sa weightlifting sa 2021 Olympic sa Japan, nagsilbi usab nga tournament director sa weightlifting kining 2025 sa Laoag, Ilocos Norte.
Atol sa opening ceremony, gipangunahan usab niya ang oath taking sa mga technical officials ug coaches.
