Ipahigayon karong Oktubre 18 2024 ang pag raffle sa mga party-list organizations aron masayran ang ilang numero sa opisyal nga balota alang sa 2025 Midterm Elections.
Ang maong raffle gitakda sa alas 9 sa buntag ug ipahigayon sa Chairman’s Hall, Palacio del Gobernador Bldg., Intramuros, Manila ug usa ka automated raffle ang gamiton niini.
Matod sa komisyon, dili na sila mudawat ug unsa man nga appeal, motion for reconsideration, o motion to re-raffle human niini.
Ang software o aplikasyon nga gigamit maoy mo-raffle sa mga ngalan sa mga kuwalipikadong party-list ug organisasyon ug mo-print usab sa aktuwal nga listahan niini, base sa mando.
Ang raffle system unang gigamit kaniadtong 2013 elections aron mapugngan ang mga organisasyon sa pag-abuso sa paggamit sa mga pangalan sugod sa unang letra o numero aron lang maka-una sa listahan.
