GENERAL SANTOS CITY – Positibong gilantaw sa Sangguniang Panlungsod dinhi sa dakbayan nga maobserbahan sa ubang lugar ang ginapatigayon nga session sa mga konsehal.
Gikumpirma ni Kag. Jun Lagare nga adunay bisita ang SP ugma, Mayo 2, 2017 atol sa ika-37 nga regular session.
Matud pa, gilangkoban kini sa mga konsehal og bise mayor sa Pres. Quirino, sa probinsya sa Sultan Kudarat nga mga miembro sa Sangguniang Bayan.
Sa pamahayag pa niini, ang mga nasampit ang mag-obserba sa proseso sa sesyon kon asa labing unang higayon nga natigayon sa 18th Sangguniang Panlungsod sa GenSan.
Kahibaluan nga ang session sa syudad ang mahimong makit-an pinaagi sa live streaming kon asa mag-log on sa www.spgensantos.ph.
Samtang sa miaging tuig ang mga taga Tacurong city og Misamis Oriental ang nagpahigayon og bench marking sa dakbayan gumikan gusto nga makat-unan ang paghimo sa code of ordinances sa SP.
