GENERAL SANTOS CITY – Padayon karung adlawa ang pag demolish sa nahabilin nga mga panimalay sa Purok 5 Lanton, Barangay Apopong ning dakbayan sa General Santos.
Matod pa ni PMaj. Robert Fores ang hepe sa Makar Police Station nga aduna nay 10 ka panimalay ang na demolish samtang 18 ang miguba nalang sa ilang mismong gipuy-an.
Kahibaluan nga gipatuman kagahapong adlawa ang Writ of demolition for forced entry sa kapin usa ka gatos ka panimalay sa nasampit ng lugar.
Aron masiguro ang seguridad sa demolisyon, anaa ang presensya sa Makar Police Station, ug ubang mga personahe sa General Santos City Police Office (GSCPO), lakip usab ang mga personahe sa JTF Gensan.
Matod ni P/Major Fores, gisunod nila ang tanang pamaagi sa wala pa gipahigayon ang demolisyon.
