GENERAL SANTOS CITY – Namahayag ang usa ka inilang abogado sa GenSan may kalabotan sa gipagawas nga warrant of arrest og hold departure order sa Makati RTC batok kang Senator Antonio Trillanes IV kagahapon.
Sa pakighinabi sa Bombo, gibutyag ni Atty. Teodoro Sales nga nagtuo siya nga pamulitika batuk sa senador ang nahitabo.
Gibutyag niini, pulos anaa sa pulitika si Pangulong Rodrigo Duterte og Sen. Trillanes nga hugot nga kritiko sa presidente. Sa pahayag niini, ang nahitabo pagkakaron sa hisgutanang pulitika sa nasud nga kung kinsa ang nakapabor maoy paboran.
Kahibaluan, gilayong nagbayad si Trillanes og P200,000 nga piyansan og migawas usab ang release order.
Ang gipagawas nga warrant of arrest og hold departure order sa lower court humanz sa hangyo sa Department of Justice.
Basi sa resolusyon nga gipagawas ni Presiding Judge Elmo Alameda nakabutang nga adunay paigong basehan aron ihatag ang mosyon sa prosekusyon.
Nakasulat usab sa resolusyon sa hukom nga pwedeng makapiyansa si Trillanes alang sa kaso niining rebelyon.
Nagsugod ang kaso karon ni Trillanes human ang pagbawi ni Pangulong Rodrigo Duterte sa iyang amnestiya
