GENERAL SANTOS CITY – 350 ka toolkits ang gipanghatag sa lokal nga panggamhanan sa Gensan ngadto sa mga benepesyaryo nga nag-agi sa Special Training for Employment Program (STEP) sa TESDA. Personal usab nga gitambungan ni Gensan Mayor Lorelie Pacquiao ang maong TESDA toolkit distribution kagahapong adlawa.
Samtang mapasalamaton usab si TESDA Provincial Director El Cid Castillo kang Former Congressman Bobby Pacquiao ug Gensan City Mayor Lorelie Pacquiao sa nahimong distribution sa mga toolkits ngadto sa mga benepesyaryo. Sa mensahe usab sa Alkalde sa Syudad, iyang gipadayag ang iyang mga plano nga tabangan pa ang TESDA, lakip na ang pagtukod og mga Training Centers sa mga hilit nga dapit sa Dakbayan. Panawagan usab niini sa mga nakadawat sa toolkits nga dili kini usikan aron makatabang sa mga pamilya. Gawas niadtong nakadawat sa TESDA toolkit, mohatag usab si City Mayor Pacquiao og kantidad nga Php 15,000 alang sa 800 ka benepisyaryo.
