GENERAL SANTOS CITY- Makaaghat sa mga ordinaryong katawhan sa Ukraine ang gihimo sa mga sikat nga personalidad nga muapil sa giyera aron musukol batok sa Russia.
Matud pa kang Atty. Rey Cartojano, co-anchor sa Duralex Sedlex sa Bombo Radyo GenSan nga pinaagi niini mapukaw ang pagka-nasyonalismo sa mga ordinaryong mga tawo aron depensahan ang ilang nasud batok sa mga invaders.
Ang Klitschko brothers nga mga boksingero nga silang Vitali og Wladimir kauban si kanhi world heavyweight champion boxer Oleksandr Usyk og ex-Arsenal star Oleg Luzhny ang mga sports personalities ang nakigbisog alang sa ilang nasud batok sa Russia.
Si Vitali ang mayor sa Kiev ang namahayag nga walay mahimo inay nga makigbisog alang sa ilang nasud.
Gawas pa nga ang laing boksingero nga si Vasyl Lomachenko ang nag-armas usab alang sa ilang nasud.
Ang ulahi nga miapil sa pagdepensa sa ilang nasud si Ukrainian ex-tennis player Sergiy Stakhovsk.
