GENERAL SANTOS CITY – Gihingusgan ni Atty. Rey Cartojano, co-anchor sa Programang Duralex Sedlex sa Bomboradyo nga pinakamaayo unta nga gihimo sa kampo ni Joel Apolinario, asawa nga si Ryena og lain pang unom ka mga kauban nga gi-apela ang giatubang nga kasong syndicated estafa sa korte sa wala pa migawas ang warrant of arrest batok kanila.
Matud pa sa inilang abogado may kapasidad ang kampo ni Apolinario nga mukuha og maayong mga abogado aron malihok ang kaso nila.
Dugang pa ni Atty. Cartojano, naghimo og impresyon sa publiko nga tinuod ang mga alegasyon sa kasong syndicated estafa ang wala na personal nga pagpakita sa publiko sa KAPA founder, asawa og lain pang unom ka mga kauban sa maong investment scam.
Kahibaluan nga walay bail o piyansa nga girekomenda si Judge Catherine Velasco sa kaso batuk kay Joel og Reyna Apolinario og sa laing unom ka mga kauban.
Nagpagawas na og warrant of arrest ang RTC Branch 50 sa Sarangani Province aron dakpon ang mga nahisgutan tungod sa pagpadagan sa investment scam nga milyon-milyon nga salapi nga nakuha gikan sa mga biktima nga investor.
Gawas sa mag-asawa nga Apolinario, apil usab sa gipadakop ang nagpangalan og Modie Dagala, Benigno Tipan Jr, Marnilyn Maturan, Ricky Taer, Juji Husay og Margie Danao.
