PAF, padayon nga nagsuporta sa DSWD sa paghatud ug hinabang sa FFPs

Padayon ang Philippine Air Force nga nagsuporta sa Department of Social Welfare and Development sa paghatod sa mga hinabang sa mga apektado sa ST Pepito sa probinsiya sa Catanduanes.

Base sa datus sa DSWD, ang ahensya nihatag ug dugang 1,300 ka Family Food Packs sa mga apektadong pamilya sa probinsiya.

Gikuha kini sa C-130 aircraft sa PAF gikan sa Visayas Disaster Resource Center sa DSWD sa Mandaue, Cebu.

Sa datos, niabot na sa 68,498 ka FFPs ang na-apod-apod sa DSWD didto.

Ang mga residente sa maong lugar dunay kaugalingong estratehiya aron makabangon gikan sa paghapak sa supertyphoon.

Ang PAF nagpadayon usab sa ilang paningkamot nga daling makahatud og hinabang sa mga naapektuhan sa kalamidad.