GENERAL SANTOS CITY – Nagpaaalim gihapon sa ospital ang usa ka lalaki human nga naigo sa saag nga bala.
Giila ang biktima nga si Dennis Amodia Baludto, 32, minyo nga taga Glan Sarangani.
Alas 8:25 kagahapon sa buntag dihang naigo sa saag nga bala ang nasampit gikan sa wala masuta nga matang sa pusil.
Gikabutyag nga samtang anaa kini sa sala sa ilang balay, nakadungog og lalis sa duha ka tawo gawas sa ilang balay nga gisundan ug buto sa pusil.
Ug sa dihang mitindog gikan sa gilingkuran aron susihon ang maong panghitabo, kalit nga nakasinati og pagpaminhod sa iyang tiil nga bahin og nakit-ang nagkadugo.
Hinungdan nga gitabang ang nasampit sa iyang mga kabanay ug gidala unang gidala Glan apan wala naabtan ug oras, gidala sa Gensan ug gisulod sa Dr. Jorge P Royeca Hospital.
Wala pay matudlo ang biktima nga responsable sa pagpabuto ogn pusil hinungdan nga naigo siya sa saag nga bala.
