Nagpasidaan ang Philippine Chamber of Commerce and Industry (PCCI) nga ang padayon nga pagsaka sa presyo sa petrolyo mao ang pinakabug-at nga palas-anon sa mga micro, small and medium enterprises kon MSMEs nga naglangkob sa halos tibuok sektor sa negosyo sa Pilipinas.
Sumala ni PCCI President Perry Ferrer, ang operasyon sa gagmay nga mga negosyo maapektuhan pag-ayo tungod kay ang ilang ”profit margins” kasagaran gamay.
Gipasiugda sa opisyal nga kini nga mga negosyo sensitibo kaayo sa bisan unsang paglihok sa mga gasto sa operasyon sama sa gasolina, transportasyon, ug gasto sa logistics.
Gipasidan-an niya ang publiko nga kung ang mga MSME, nga naglangkob sa 99.6% sa komunidad sa negosyo sa nasud, mapugos sa pagsirado, ang Pilipinas mag-atubang og usa ka dako nga problema.
