Padayon nga pagbakuna sa singko hangtud onse anyos gianunsyo Sarangani Province

Miapila ang mga health workers sa Sarangani sa katawhan nga pabakunahan na ang mga bata nga edad singko hangtud onse anyos.

Matud pa ni Razel Bustria, provincial immunization coordinator sa Sarangani nga kung kaniadto ang mga tawo ang muadto sa munisipyo aron magpabakuna batok sa covid apan sa karon sila na ang muadto sa barangay aron mapaduol sa mga residente.

Hinoon giangkon ni Bustria nga sa mga bata daghan ang gusto magpabakuna gumikan gusto nga mubalik sa eskweklahan aron may proteksyon batok sa COVID 19.

Ang mga 17 anyos paubos nga angayang kuyugan sa ilang ginikanan o guardian og dad-on ang ilang birth certificate aron maturukan ug bakuna.