GENERAL SANTOS CITY – Hapit na matud pang mahimong pinal ang gilaumang away nilang eight-division world champion ug Sen. Manny Pacquiao (59-6-2, 38 KOs) ug Australian boxing icon Jeff Horn (16-0-1, 11 KOs).
Kini human nakigpulong ang mga representante sa promoter ni Horn kang Top Rank big boss Bob Arum kaniadtong Lunes ug Martes sa buhatan niini sa Las Vegas.
Matud kang Arum, may mga detalye pa silang angayang kasabutan una ma-finalize ug sirad-an ang deal tali sa duha ka boksingero.
Hapit na matud pang maplantsa ang away sa duruha kon ugaling maka-istorya na usab ni Arum si Pacquaio.
Ang sigurado lang matud pa nga sa karon sa Australia ipahigayon ang gikatakdang away nilang Pacquiao ug Horn.
Sulayan nga pildihon sa 28-anyos nga si Horn ang Pinoy boxing champion nga si Pacquiao aron sungkiton ang WBO 147-pound title nga gitakda sa Abril 22.
