Gitinguha sa retiradong Pinoy boxing champion nga si Manny Pacquiao nga makigsangka sa exhibition fight batok sa Amerikanong boksingero nga si Shakur Stevenson.
Sumala sa kampo ni Pacquiao, target nilang matuman ang maong away sa katapusan sa tuig.
Gipili ni Pacquiao ang 29-anyos nga boksingero human dili na madayon ang giplanong rematch niini batok kang Floyd Mayweather.
Si Stevenson adunay 25 ka kadaugan ug walay kapildihan, lakip ang 11 ka knockout, ug apil sa top five pound-for-pound boxers.
Nakuha ni Stevenson ang WBO junior welterweight title human pildihon si Teofimo Lopez sa New York, ug nahimo usab siyang silver medalist sa 2016 Rio Olympics.
Samtang, si Pacquiao adunay rekord nga 62 ka daog, walo ka kapildihan ug tulo ka draw, lakip ang 39 ka knockout.
