Nagpabiling underdog ang Filipino ring icon nga si Manny Pacquiao sa mga bettors, batok ni Mario Barrios.
Ang duha gipaabot nga magsangka sa MGM Grand sa Las Vegas, Nevada karong Sabado oras sa sa Las Vegas, Nevada.
Sa BetMGM, si Pacman nalista sa +270, samtang ang Barrios usa ka -380 nga gikaingong paborito.
Buot ipasabot nga kon mopusta ka og P1,000 kang Pacquiao ug modaog siya, halos P2,700 ang kita sa bettor.
Apan ang interesting usab niini ang adunay mga sharp bettors o eksperto sa pagpusta nga nagbutang ug kuwarta sa eight division world champion sa dihang mas taas ang iyang posibilidad (4-1), hinungdan nga miubos ang presyo sa 2-1 sa pipila ka sportsbook.
Buot ipasabot nga duna pay pagsalig ang pipila sa abilidad ni Pacman bisan og 46 anyos na kini ug dugay na nga wala makaaway.
Ania usab ang mga sample nga pusta karon sa Las Vegas:
Barrios by KO/TKO: +120
Barrios by decision: +210
Pacquiao by decision: +460
Pacquiao by KO/TKO: +470
Draw: 15-1
