GENSAN – Plano ni Sen. Manny Pacquiao nga maka-score ug knockout alang sa pagdepensa sa iyang WBA welterweight title batuk kang Adrien Broner karong Enero 19 sa MGM Grand sa Las Vegas, Nevada.
Sa interview sa Bombo Radyo GenSan, gibutyag ni Bobby Pacquiao nga bisan sa edad nga 40 sa iyang kuya nakahimo pa sa pagpildi kay Argentine boxer Lucas Matthysse pinaagi sa usa ka technical knockout victory kaniadtong Hulyo 2018.
Ang stoppage victory niini mipahunong sa 9-year knockout drought ni Manny ug tumong niini nga makahimo ug back-to-back KO win kang Broner sa ibabaw sa ring.
Unang gibutyag sa Pinoy Ring Icon nga wala kini gahimo ug prediction apan tumong gayud nga i-knock out si Broner.
Gikadugang pa nga iyang i-maximize ang lihok ibabaw sa ring aron makakuha ug oportunidad nga i-KO ang kalaban.
Una nang giangkon sa boxing icon nga plano niining magpahigayon ug showdown kauban sa iyang mga counterpart apan ‘purely’ negosyo lamang.
