Naa na sa advanced talks ang kampo ni eight-division world boxing champion Manny Pacquiao alang sa posibleng away batok sa wala pa mapildi nga four-division world champion nga si Shakur Stevenson sa dili pa matapos ang 2026.
Nangita og laing kontra ang kampo ni Pacquiao human ma-postpone ug ibalhin sa Enero 2027 ang iyang gipaabot nga rematch batok kang Floyd Mayweather Jr.
Sumala sa MP Promotions, gihisgutan pa sa duha ka kampo ang mga detalye sa posibleng away, lakip na ang eksaktong weight class diin mag-atbang ang duha ka boksingero.
Si Stevenson, nga nagkupot sa WBO ug The Ring titles sa junior welterweight division, nailhan tungod sa iyang kapaspas, maayo nga footwork ug lig-on nga depensa sulod sa ring.
Gitan-aw ang posibleng away isip exciting nga panag-atbang tali sa kasinatian ug kabatan-onan, diin mag-atubang ang 47-anyos nga Hall of Famer ug 29-anyos nga undefeated American boxing star.
Wala pa’y pormal nga kontrata nga napirmahan, apan naglaum ang mga boxing fans nga madayon ang maong makasaysayanong away sa dili pa matapos ang tuig
