GENERAL SANTOS CITY – Gibutyag ni former senator Manny Pacquiao nga angkonon sa Pacman Promotion ang tanang gastuhon sa pagpatambal ni Gensan boxer nga si Kenneth Egano sa Amoy Boxing stable Gensan.
Samtang ang tanang Blow by Blow team nag-ampo alang sa hingpit nga pagkaayo sa ilang minahal nga boksingero. Matod pa ni Alejandro Amoy ang promoter sa nasampit nga boksidor nga dili matod pa matigayon ang operasyon ni Egano ug dili pa kini hingpit nga makamata.
Kahibaluan nga midaog sa 8th rounds nga laban sa MP Blow by Blow sa Imus, Cavite ang nasampit batok sa MP stable Davao City nga si Jason Facularin kaniadtong Mayo 6, 2023.
Apan human sailang away si Egano ang nakuyapan ug daling gidala sa balay tambalanan. Sa karon padayon usab ang pagsuporta ug pag ampo alang sa boksidor.
