Misaad ang star sa Indiana Pacers nga si Tyrese Haliburton og mas maayong performance sa do-or-die Game 6 human sa dismayado nga Game 5
Ang all-around star nalimitahan lang sa 4 puntos sa 35 minutos nga duwa human masipyat ang tanang 6 ka shot nga iyang gisuwayan.
Ang 4 puntos nga iyang nahimo pulos free throws nga nahimo lang sa 2nd half sa duwa.
Wala usab kaayo nakatampo si Haliburton sa depensa ug nakakolekta lang kini og pito ka rebounds ug unom ka assists. Wala siya tugoti nga magparehistro sa mga steals ug blocks, mao nga sa pagtapos sa duwa naggunit siya og negatibo (-) 13 point differential.
Matod ni Haliburton, ang susamang pasundayag dili na angay mahitabo pag-usab sa umaabot nga do-or-die game.
Siya miingon nga iyang igugol ang nahibilin sa adlaw sa pagpalambo sa iyang mga shot, pagpasa sa abilidad, ug pagdiktar sa maayong pacing samtang anaa sa hardcourt.
Gitataw sa bitoon sa Pacers nga andam na gyud sila alang sa Game 6, nga gikatakdang ipahigayon sa homecourt sa Indiana.
Sa laing bahin, giwagtang ni Haliburton ang kahadlok sa mga sports fans bahin sa gamay nga samad sa guya nga iyang nahiaguman samtang nagduwa sa Game 6.
Matod sa guardsa Pacers, bisan og daw naglisod siya sa pagduwa ug daw dili na matupngan ang iyang nauna nga performance, matod niya nga molambo gyud ang team sa sunod nga duwa, pinaagi sa pagrepaso sa makapahigawad nga kapildihan sa Game-5 kagahapon Hunyo 17.
Kahinumduman, ang Thunder mitapos sa Game 5, nga naggunit og 11 puntos nga labaw, 120-109.
Sa tibuok duwa, ang midaog nga team maoy nag-una ug wala na makaapas ang Pacers bisan pa sa pagsulay sa team nga makabawi sa 2nd-half sa duwa.
Sa Biyernes (Hunyo 20), ipahigayon ang do-or-die Game 6.
