Gikimpirma na sa Indiana Pacers nga nakaangkon ug torn right Achilles tendon si Tyrese Haliburton tungod sa iyang performance sa Game 7 sa NBA Finals kaniadtong , Hunyo 23
Sa giluwatang pamahayag sa team gitug-an nga gipailawom sa MRI ang Indiana star ug gibutyag niini nga apektado ang Achilles tendon sa iyang tuo nga paa.
Matod sa team, ang Pacers star giipaubos sa operasyon kagahapong adlawa sa Hospital for Special Surgery sa New York.
Pagadumalahon kini ni Dr. Martin O’Malley, usa sa labing inila nga Orthopedic Surgeon sa US.
Sa pagkakaron dili klaro kung unsa kadugay ang rookie star ug kung makabalik ba siya sa pagduwa sunod season.
Base sa kasaysayan sa NBA, daghang sikat nga mga magdudula sa NBA ang naangol sa Achilles ug ang ilang pagkaayo niabot og 12 ka buwan gikan sa adlaw sa operasyon.
Bisan pa, daghan usab kanila ang nakabalik sa pagdula og basketball pagkahuman sa malampuson nga operasyon.
Karong postseason, tulo ka NBA players ang naangol ni Achilles.
Gawas kang Haliburton, sila Jayson Tatum ug Damian Lillard nakahiagom usab og susamang mga angol samtang anaa sa tunga-tunga sa Playoffs.
