Nagdaog ang Indiana Pacers sa Game 3 sa 2025 NBA Finals, mao nga sila na karon ang may 2-1 nga labaw batok sa Oklahoma City Thunder.
Nagpakita og kaisog ang Pacers sa second half sa dula, diin si Tyrese Haliburton nakabawi ug naghatag og mga clutch plays alang sa iyang team.
Si Bennedict Mathurin, nga gikan sa bench, mihimo og 14 points sulod lang sa unom ka minuto, hinungdan nga nagpabilin nga init ang momentum sa Indiana.
Gipaningkamotan usab sa Thunder nga makigbaylo og puntos, labi na pinaagi ni Shai Gilgeous-Alexander, apan ilang nasinati ang lig-on nga depensa sa Pacers sa mga kataposang minuto.
Tungod niini nga kadaugan, duha na lang ka daog ang gikinahanglan sa Indiana Pacers aron ilang makab-ot ang ilang pinakaunang NBA championship sa kasaysayan.
Kahinumduman nga sa Game 1, gibulabog sa Pacers ang homecourt advantage sa Thunder ug nakabawi pa gikan sa 15 puntos nga labaw, hangtod ilang napildi ang OKC sa usa ka thrilling nga iskor nga 111-110.
Sa Game 2, wala na nagtugot ang OKC nga maulit ang kapildihan sa Game 1, ug gitambakan nila ang Pacers 123-107.
Ang pangutana karon sa mga basketball analyst kung makabuhat ba og usa ka mala-Game 2 nga performance ang Thunder aron dili sila ma-dehado kaayo.
