GENSAN CITY – Miabot sa dul-an P95-million ang natunol nga presidential assistance ni Pangulong Ferdinand Marcos Jr. ngadto sa probinsyal nga panggamhanan sa Agusan del Norte, Surigao del Sur ug Dinagat Islands province apil na sa City government sa Butuan.
May kalambigitan gihapon kini sa distribusyon sa Presidential Assistance to Farmers, Fisherfolk and their Families kon PAFF tungod sa nasinatiang El Niño phenomenon.
Sa Agusan del Norte, miabot sa P28-million ang gidawat ni Governor Angel Amante samtang P10-million, P570,000 usab sa Surigao del Sur, P10-million sa Dinagat Islands Province ug P46-million dinhi sa Butuan City.
Nanghinaut ang pangulo nga pinaagi sa nasangpit nga ayuda, maabagan ang panginabuhian sa tanang mga naapektuhan tungod sa El Niño phenomenon.
