Giaprubahan sa Board of Investments (BOI) ang P640.22 billion nga balor sa investments alang sa una nga lima ka bulan ning tuiga.
Nagapanguna niini ang domestic investments ug padayong mga proyekto sa sektor sa renewable energy.
Ang investment figure sa pagtakop sa Mayo 2024 ang 14 percent nga mas taas sa P562.90 billion nga na-record sa pareho usab nga panahon sa miaging tuig.
Ang domestic investments ang anaa sa P525.85 billion.
Mayorya niini ang nahimo alang sa mga proyekto sa CALABARZON area nga nagabalor P538.52 billion, ginasundan sa Ilocos Region nga adunay P28.49 billion; Central Luzon nga adunay P24.42 billion; Bicol Region nga adunay P13.28 billion ug Western Visayas nga adunay P8.54 billion.
Samtang,ang foreign investments usab ang miabot sa P114.37 billion, kung asa ang Switzerland ang may pinakadako nga share nga P62.89 billion, ginasundan sa Netherlands nga may P39.33 billion; Singapore nga adunay P6.07 billion; China nga adunay P1.53 billion; Taiwan nga adunay P1.28 billion ug United States nga adunay P953 million.
Sa katibuk-an, ang foreign ug local investments ang gina-forecast nga mag-abli ug 13,871 bag-o nga mga trabaho alang sa mga Filipinos.
