Giaprobahan na sa House of Representatives ang P6.352-trilyon nga national budget alang sa tuig 2025.
Ang pag-uyon nahitabo usa ka adlaw human kini gi-certify ni President Ferdinand Marcos Jr. isip dinalian.
Mokabat sa 285 ka mga kongresista ang miboto pabor sa House Bill 10800 o “An Act Appropriating Funds for the Operation of the Government of the Republic of the Philippines”. Samtang adunay tulo ka mga kongresista nga miboto kontra sa maong balaudnon.
Sumala ni House Speaker Ferdinand Romualdez, sa iyang pakigpulong, nagpasalamat siya sa iyang mga kaubang magbabalaod sa pagpasa sa budget.
Giklaro niini nga ang maong budget importante alang sa pagpundo sa mga dagkong proyekto sa gobyerno sama sa imprastraktura, human ug social development, environmental protection, technological innovations ug sustainable development.
