P5 milyones nga reward ang gitanyag alang sa pagkadakop kang Wenli Gong, nailhan usab nga Kelly Tan Lim, usa ka Chinese nga babaye nga nalambigit sa pagdagit ug pagpatay kang Anson Que, usa ka Filipino-Chinese nga negosyante, ug sa iyang drayber nga si Armanie Pabillo.
Gipagawas sa Philippine National Police (PNP) ang pangalan ni Lim human gikompirma sa duha ka Filipino nga suspek nga sila si Raymart Catequista ug Richardo Garcia nga siya ang migamit sa telepono ni Que aron makignegosyo sa iyang pamilya.Matud ni PNP spokesperson Brig. Gen. Jean Fajardo, ang pagkasikop ni Lim importante alang sa dugang imbestigasyon.
Ang mga suspek niangkon nga maoy nipatay nila ni Que ug Pabillo, ug usa ka Intsik nga si David Tan Liao, nisurender ug niangkon sa iyang kalambigitan.
Gisusi sa PNP ang pamahayag ni Liao nga nalambigit ang anak ni Que nga si Alvin Que sa krimen. Ang mga biktima nakaplagan sa Rizal niadtong Abril 9 human sila gidagit niadtong Marso 29.
