-- ADVERTISEMENT --
Gisumiter na usab sa Kamara ang balaodnon nga magpasaka sa minimum nga suholan sa mga magtutudlo sa pampublikong tunghaan ngadto sa P50,000.
Ang Makabayan bloc, nga gipangulohan ni ACT Teachers party-list Rep. Antonio Tinio, nisang-at sa House Bill 203 niadtong Martes, Hulyo 1.
Tinguha niini nga usbawan ang minimum nga suweldo sa mga magtutudlo sa publikong tunghaan gikan sa P27,000 ngadto sa P50,000.
Ang mga magbabalaod gikan sa Makabayan bloc nipasabot nga ang balaudnon nagtumong sa pagpagamay sa gintang tali sa sweldo sa mga magtutudlo ug sa gasto sa panginabuhi.
Gisugyot usab nila ang usa ka tinuig nga pag-adjust sa mga sweldo aron masiguro nga sila makasubay sa gasto sa panginabuhi.
-- ADVERTISEMENT --
