Nasikop ang duha ka gidudahang bigtime drug personality sa hiniusang buy-bust operation nga gipahigayon sa Drug Enforcement Unit sa Lanao del Sur Police Provincial Office, pasado alas 8 sa buntag, Hunyo 29, sa Barangay Linuk, lungsod sa Madalum.
Giila sa Madalum Municipal Police Station ang nag-unang target sa operasyon nga si alyas “Abdullah”, uban sa iyang kauban nga si alyas “Karim”.
Nasakmit gikan sa mga suspek ang gibana-banang 78.42 gramos sa gituohang shabu nga nagkantidad og Php 533,256, usa ka tinuod nga ₱500 nga marked money, ug 29 ka photocopied ₱500 bills nga gigamit sa buy-bust.
Gilayon nga gindala sa Madalum Municipal Police Station ang duha ka suspek og pasakaan sila og kaso nga paglapas sa Republic Act 9165 ukon Comprehensive Dangerous Drugs Act of 2002.
