Mukabat sa P5 million sa mga nagkadaiyang mga smuggled nga sigarilyo ang nakumpiska sa Brgy. Old Bulatukan, Makilala, Cotabato.
Matud pa sa report sa Police Regional Office 12 (PRO) nga sa dihang nakadawat og report kalabutan sa forward 6-wheeler truck nga puno og smuggled goods gilayon nga gipahigayon ang border checkpoint.
Base sa impormasyon nga gikan sa Davao del Sur padulong sa General Santos City ang maong forward 6-wheeler truck
Naharangan sa mga pulis ang maong truck og naaresto ang mga suspek nga silang Rey Arnold Etil Mariscal, Rheno Quiao Mariscal, Romulo Calibo Soria, Pablito Agravante Elorcha, og Glenn Torres Judilla.
Gibutyag nga walay igong mga dokomento ang gibiyahe nga sigarilyo.
Nakuha usa sa posisyon sa mga dinakpan ang Colt 45 nga adunay usa ka magazine og lima ka mga buhing bala atol sa pag-inspection sa sakyanan.
Ang mga naarestong mga suspek og mga goods ang gilayon nga gidala sa PRO 12 headquarters sa dakbayan sa Heneral Santos.
Matud pa ni B/Gen. Alexander Tagum, PRO 12 regional director nga ang pagkumpiska sa mga smuggled nga sigarilyo ang resulta sa ilang pagpaningkamot nga masumpo ang mga illegal activities sa kooperasyon sa katawhan.
