GENERAL SANTOS CITY -Mukabat sa kinatibuk-ang P45 milyon ang gikita sa natapos nga Treasures of SOX: Travel & Trade Expo nga gipahigayon sa Glorietta Activity Center, Makati kaniadtong Abril 3 hangtod petsa 7.
Matud kang Department of Tourism 12 Regional Director Nelly Nita Dillera, ang kinatibuk-ang P45 M ang naggikan sa travel ug trade sales ug booked sales sa mga produktong SOCCSKSARGEN nga gidala sa kapin 60 ka mga exhibitors sa Kauluhang Maynila.
Ang Treasures of SOX, matud kang Dillera ang naghatag ug dalan aron mapaila-ila lamang sa tibuok nasud inay lakip sa tibuok kalibutan ang mga produktong pang-agrikultura, mga kultura, ug travel destinations nga anaa sa Rehiyon Dose.
Usa matud pa ka kalampusan ang pagpahigayon sa ikaduhang Treasures of SOX: Travel & Trade Expo ning tuiga matud kang Dillera.
Gumikan sa maong kalampusan, giplanuhan na sa mga tourism stakeholders ang pagpahigayon niini ug international arena.
