-- ADVERTISEMENT --
GENERAL SANTOS CITY – Mukabat sa P35,000 nga kantidad sa marijuana ang nakumpiska sa usa mag-uuma human masikop sa gipahigayong buy-bust operation sa Prk 17 Brgy Mabuhay ning siyudad.
Giila ang dinakpan nga si Alfonso Gulle, 35-anyos, residente sa Tampakan, South Cotabato. Kini human siya napalitan ug usa ka rolyo sa marijuana, kung asa narekober usab ang marked mony nga P1,000.
Gawas niini, narekober usab sa iyang posisyon ang usa ka kilo sa marijuana nga gibanabanaang nagkantidad ug P34,000.
Sa karon nagpabiling balhug sa San Isidro Police Station ang suspek nga nag-atubang ug kasong pagsupak sa RA 9165 kon Comprehensive Dangerous Drugs Act of 2002.
