-- ADVERTISEMENT --
GENSAN – Gipatin-aw usab ni Gensan City Councilor Franklin Gacal, nga ang arkila sa mga stall gitumong nga magpabiling barato. Base sa impormasyon, mahimong mokabat lamang og mga P300 kada adlaw ang bayranan.
Kini giingong usa sa mga prayoridad ni Mayor Lorelie Pacquiao aron masiguro nga dili mosaka og dako ang presyo sa abang sa stall nga mahimong hinungdan sa pagsaka usab sa presyo sa palaliton.
Gisiguro usab nga magpabilin nga tag-iya sa yuta ang syudad ug dili kini ibaligya, subay sa kasabutan sa proyekto.
Gituohan sa mga opisyal nga kung hingpit nang mag-operate ang ‘Palengke Heneral’, makatabang kini sa mas organisado, limpyo, ug hapsay nga operasyon sa pagpamaligya, nga makabenepisyo sa mga negosyante ug konsumidor sa syudad
