Nasakmit sa mga awtoridad ang gibanabanang P3.4 milyon nga kantidad sa gidudahang shabu atol sa buy-bust operation sa Purok Maunlad Phase 2, Barangay Apopong, General Santos City niadtong Hunyo 23, 2026.
Gipahigayon ang operasyon sa mga operatiba sa Philippine Drug Enforcement Agency Regional Office 12 uban ang Sarangani-Gensan Provincial Office, Regional Special Enforcement Team, General Santos City Police Station 2, ug Philippine Coast Guard Intelligence Group Southern Mindanao.
Narekober sa operasyon ang lima ka knot-tied plastic bags nga adunay white cyrstal substance nga gituohang shabu nga may gibug-aton nga mga 500 grams, apil ang buy-bust money ug usa ka cellphone.
Nasikop usab ang usa ka 28-anyos nga tricycle driver nga residente sa Barangay Dulay West, Marawi City.
Samtang ginahikay na ang kasong atubangon sasuspek mao ang kasong violation sa Republic Act 9165 o Comprehensive Dangerous Drugs Act of 2002.
