GENERAL SANTOS CITY – Gikatakda nga magpatuman ug P25 nga omento nga suhulan sa mga empleyado sa rehiyon 12 base kini sa nakasabutan Regional Tripartite Wages and Productivity Board RTWPB.
Tungod niini nisaad ang buhatan sa Department of Labor and Employment -Gensan sa mga negosyante sa syudad nga ila gayud aksyonan ang reklamo sa kinsa mang impleyedo higayon nga dili ipatuman sa kumpanya ang nasangpit nga wage increase.
Matud kang Fatima Bataga, ang field office head sa DOLE Gensan, nga magpahigayon sila og mga inspection sa mga kumpaya o kaha establisyemento aron sutaon nga kung gipatuman ba ang omento sa mga employer.
Panawagan niini sa mga empleyado nga pwedi mudangop sa ilang buhat kung nakasinati ug pagpangabuso sa ilang gitrabahoan.
Nasayran nga karon sunod bulan ipatuman ang unang hugna sa pag-usabaw sa suhulan.
