-- ADVERTISEMENT --
GENERAL SANTOS CITY – Mukabat na sa P23 milyon ang kantidad sa gidiling druga ang nakumpiska sa Philippine Drug Enforcement Agency Region 12.
Kini ang resulta sa gipahigayon nga 945 ka mga operasyon sukad Enero hangtud Nobyembre niining tuiga.
Matud ni Kath Abad, tigpamaba sa PDEA-12 nga anaa sa 2,344. 46 ka gramo sa shabu nga nagkantidad og P15.9 million ang nakumpiska.
Samtang 38,500 ka mga punuan sa marijuana ang ilang naibut sa mga operasyon kauban ang kapulisan ug kasundalohan nga nagkantiodad ug P7.7 milyon.
Gikadugang ni Abad sagad sa mga naibot nga marijuana ang gikan sa probinsiya sa South Cotabato, Sultan Kudarat ug Davao del Sur.
-- ADVERTISEMENT --
Misaka usab sa 1,051 ka tawo ang nasikop kung asa 1,676 ang nakasuhan.
