GENERAL SANTOS CITY – Mukabat sa usa ka milyon ang kantidad sa druga ang nailog sa ginsakpan sa PDEA kuyog ang hinusang grupo sa kapulisan ug kasundaluhan sa usa ka operasyon nga gipahigayon didto sa Cotabato.
Gawas sa nahisgutang bulto sa druga nakuha usab ang mga tag-as nga kalibre sa armas human gipatuman ang 27 ka search warrant.
Matud ni PDEA 12 Director Gil Castro nga nakuha sa raiding team ang dose ka dagkong sachet sa shabu, napulo ka medium size ug 32 ka gagmay nga sachet nga adunay timbang nga 125 gramo lakip ang cash nga dul-an usa ka milyon ka pesos.
Lakip nga nakuha ang usa ka dosena nga gituhuang carnapp nga motorsiklo ug mga motorcycle spare parts.
Naaresto silang Omar Udac Abdullah, Hadi Maulan Midtimbang, Anna Guiamandan Dinanalao @ Kumkuma, Alimar Salanduyan Pigcaulan, Ming Mia Gasi, Ebrahem Radsak Abo, Basir Padal Mohamad, Aludin Tabayag Gakit, Ali Badal Abo, Ebrahim Muat Guimadil, Abdul Gakit Badal, Victor Sankay Beldik, Zainoden Edem Dayato, Noraisa Beldik Ebrahem, Lani Veldik Dayato, Bai Suelo Alon @ Edna Danglit Tobias, Marcialo Maligyan Suelo, Jorey Kamisec Suelo, Jerry Buada Cabalo, Baby Boy Cabalo ug Allan Tanoyan Kabalu@ Allan Cabalo.
Karong adlaw nga lunes giandam ang mga kaso nga pagsupak sa comprehensive dangerous drugs act, paghupot ug armas, kaso nga carnapping ug daghan pa alang sa mga suspek.
