GENERAL SANTOS CITY – Padayon nga gapahimangno ang Bureau of Fire Protection kon BFP-GenSan nga kinahanglang mag-amping batok sa sunog, ug kon mag-brownout angayang dili pasagdan ang kandila, ug kon mugawas sa panimalay kinahanglang nga siguruhon nga naka tangtang ang tanang gipangsaksak nga appliances.
Kini human ang lain na usab nga sunog miaging gabii nga natigayon sa Casquejo St. ning dakbayan.
Kahibaluan nga mukabat sa P130,000 ang damyos sa naasoy’ng insidente, human masunog ang panimalay nga gipanag-iyahan ni Josephine D. Garino.
Matud kang Sr. Fire Inspector Jeraniel Taporco, labaw sa BFP-GenSan, dali nga naugdaw ang panimalay tungod gilangkuban sa light materials.
Apan gituki pa ang hinungdan sa maong sunog nga miabot sa 1st alarm. Hinuon, walay natala nga angol sa maong panghitabo
