GENERAL SANTOS CITY – Nagsugod na ang pagpabarug sa P120 million nga “business hub” sa Malungon, Sarangani Province.
Matud pa kang Engr. Marcus Antoño Zagales, Malungon municipal engineer nga ang business hub ang ipatindog sa main commercial center sa Barangay Poblacion.
Katumanan kini sa plano nga dugangan ang major trading center sa probinsya pinaagi sa pagpalapad sa public market.
Gilangkuban kini sa lima ka commercial buildings, nga may 121 ka stalls.
Matud sa opisyal nga lakip ipabarug ang two-story building nga bag-ong wet market ug buhatan sa administrador.
Basi sa kontra makompleto ang pagpabarug sa gambalay sa Agosto sunod tuig.
Una na nga gibutyag ni Malungon Mayor Maria Theresa Constantino nga gipunduhan ang proyekto pinaagi sa paghulam ug salapi sa Land Bank of the Philippines.
Gilantaw sa lokal nga gobyerno nga maghatag ug dugang kinitaan ang pagbutang sa business hub .
