GENERAL SANTOS CITY – Gikareport nga mag-extend ang gobyerno sa Japan og loan alang sa nasud kantidad og P100 billion.
Kini ang gibutyag ni Kagawad Jun Lagare, chairman sa committee on transportation sa Sangguniang Panglungsod.
Sumala pa, ang maong dakong kantidad sa salapi gamiton aron i-modernize ang tanang jeep og traysikel.
Samtang gibutyag ni Kagawad Lagare nga sa dili madugay, ipagawas na sa LTRFB ang Omnibus Franchizing Guidelines.
Sumala pa niini nga nakaangkon siya og meeting sa Chairman sa LTFRB nga si Atty. Martin Delgra og ilang nahisgutan nga kinahanglang i-organize ang tanang traysikel drivers kon asa angayang makaangkon og ‘by laws and articles of cooperativism’ tungod nalangkob kini sa transport code.
Mahinongdanon kini aron nga kung adunay subsidiya gikan sa Lokal nga panggamhanan og sa national gov’t, ang coop na ang mag-facilitate sa subsidiya aron gilayong magamit kon asa dakong kantidad sa salapi ang nalambigit.
