Kapin sa P1 nga pagsaka sa presyo sa diesel og gasolina gipaabot sunod semana– DOE

Gipaandam na sa Department of Energy (DOE) ang mga motorista sa laing pagsaka sa presyo sa mga produkto sa lana.

Base sa forecast sa miaging upat ka adlaw, gipaabot nga P1.10 ngadto sa P1.40 ang iusbaw sa matag litro sa diesel.

Samtang ang gasolina mosaka sa P1.30 ngadto sa P1.60 matag litro, gamay ra o walay kausaban sa presyo sa kerosene.

Pipila sa mga rason nga gitumbok sa DOE nga maoy hinungdan sa kamahal sa mga produkto sa lana mao ang pressure sa US sa Iran tungod sa ilang nuclear deal.

Sa Lunes, mahibaw-an na nato kung pila ang usbaw sa presyo nga sagad ipatuman matag Martes.