Giaprobahan sa Department of Budget and Management (DBM) ang P1 bilyon nga pundo alang sa pagtukod sa Child Development Centers (CDCs) sa mga low-income local government units (LGUs) sa tibuok nasod.
Ang maong lakang subay sa mando ni President Ferdinand Marcos Jr. nga mamuhunan sa edukasyon ug human capital development diin kini usab ang nangulo sa seremonyas sa pagpirma sa joint memorandum circular sa Malacañang niadtong Abril 3.
Matod sa Presidente, ang mga CDC maghatag ug lig-on nga pundasyon sa mga bata nga makapalig-on sa pundasyon sa nasud.
Makabenepisyo kini sa 328 ka Barangay, apil ang 89 sa Luzon, 106 sa Visayas, ug 133 sa Mindanao, apil ang Bangsamoro Autonomous Region in Muslim Mindanao (BARMM).
Ang CDC magsilbi usab nga sentro sa mga programa sa edukasyon sa mga bata, suporta sa pamilya, ug mga programa sa sayo nga pagkat-on, nga mahimong importante sa pag-andam kanila alang sa eskwelahan.
