Gikabutyag nga miabot sa kinatibuk-ang P1.1 billion ang kantidad sa hinabang nga nahatod sa gobyerno sa mga biktima sa mi-aging bagyo matod pa sa datos sa National Disaster Risk Reduction and Management Council (NDRRMC).
Nahilakip sa gipanghatag ang mga pagkaon ug non-food items nga gipangunahan sa ahensya sa gobyerno susama sa Department of Social Welfare and Development (DSWD), Office of the Civil Defense (OCD), local government units (LGU), samtang ang uban ang nagagikan usab sa non-government organizations.
Gawas pa niini, gika-report usab sa NDRRMC nga nahatag sa DSWD ang kinatibuk-ang 1,013,000 ka mga family food packs sa mga rehiyon sa nasud sa nakalabay nga bagyo.
Matod pa usab sa NDRRMC, mosobra sa 2,200,000 na ka mga pamilya ang naapektuhan o gibana-banaang anaa sa 8,630,000 ka mga indibiduwal.
