Gikumpirma sa Bombo Radyo GenSan ni P/Col. Gilberto Tuzon nga relieved na siya pwesto isip labaw sa General Santos City Police Station (GSCPO).
Si P/Col. Paul Tangan Bometivo nga gikan sa PRO 4-A ang nagpuli kaniya samtang siya ang na-assign sa Police Regional Office 12.
Sa pamahayag ni Col Tuzon nga kauban niya nga na-relieve si Col. Henry Villar, police provincial director sa North Cotabato Police Office.
Nagpasalamat si Tuzon sa tanan nga misuporta kaniya kung asa walay mga dagkong insidente nga nahitabo.
Sa pamahayag niini nga siya usa ka tuig og duha ka bulan pa lamang isip labaw sa GSCPO.
Apan adunay direktiba si PNP Chief Gen. Dionardo Carlos atol sa gikatakda nga election nga ang tanan nga kapin sa usa ka tuig sa serbisyo ang i-relieved sa pwesto.
Ang direktiba ang gikan mismo sa PNP Headquarters nga pirmado ni Gen. Edgar Cacayan.
Samtang si Col. Villar ang gihulipan ni P/Col Harold Ramos.
