Nalangan ang operasyon sa Office of the Vice President (OVP) sa Mandaluyong kagahapong adlawa , human nakadawat og bomb threat ang usa sa mga kawani niini pinaagi sa text message.
Ang mga personahe sa OVP gibalhin dayon sa luwas nga dapit. Dali usab nga gipakatap ang Explosive Ordnance Disposal (EOD) Team ug Mandaluyong City Police Office aron pagsusi sa tibuok dapit.
Dihang walay nakitang eksplosibo ug nasiguro nga luwas ang palibot, nibalik dayon sa operasyon ang mga personahe sa OVP mga alas kuwatro sa hapon.
Samtang gipahinumdoman sa OVP ang publiko nga ang magbinantayon sa mga hulga sa bomba nga mahimong mahulga sa kinabuhi ug bisan kinsa nga mosulay sa pagbuhat niini mag-atubang sa tukma nga silot ubos sa Presidential Decree No. 1727, o mas nailhan nga Anti-Bomb Joke Law.
