Outbound lane sa Mabuhay Underpass temporaryong gipasirad-an

Temporaryong gisirad-an ang outbound lane sa atubangan sa Chowking Phoenix padulong sa Silway Bridge sugod Hunyo 20 hangtod Hulyo 31, 2026 alang sa road concreting.

Sumala sa mga otoridad, kabahin kini sa katapusang phase sa pagtukod sa Mabuhay Underpass nga gilauman nga maablihan sa Hulyo 31.

Alang sa mga sakyanan ug bus nga paingon gawas sa siyudad, girekomenda ang ruta nga Dacera Avenue, Yumang Street ug Olaer Street.

Samtang ang tanang truck kinahanglan moagi sa Albert-Morrow Boulevard o Diversion Road.

Gihangyo sa mga otoridad ang publiko nga magpaabot og posibleng paghinay sa dagan sa trapiko ug mosunod sa mga traffic sign ug traffic enforcers sa lugar.