GENERAL SANTOS CITY – Mukabat pa sa otsenta ka aktibu nga kaso sa coronavirus disease ang gimonitor sa DOH – Center for Health Development Soccsksargen Region human duha ka indibidwal ang nakarekober kagahapong adlawa gikan sa General Santos ug Bagumbayan North Cotabato.
Samtang lima usab ang nadugang sa mga aktibu nga kaso kini gilangkuban sa tulo nga taga dakbayan samtang tig usa gikan sa Koronadal ug Norala sa probinsya sa South Cotabato.
Sa data sa Department of Health nanguna sa may labing daghan nga aktibu nga kaso ang General Santos nga adunay 37 ka kaso, samtang nagsunod ang South Cotabato nga adunay 36 ka kaso, may unom ka aktibu nga kaso ang Sarangani ug usa ka kaso na lamang ang gimonitor sa Sultan Kudarat samtang ang North Cotabato wala nay kaso sa covid 19.
Nanguna sa gihapon nga may labing daghan nga kaso ang South Cotabato nga adunay 22,394 ka kaso, nagsunod ang General Santos nga adunay 18,020 ka kaso, ikatulo ang North Cotabato nga adunay 13,886, samtang 8,569 ka kaso ang sultan Kudarat ug Sarangani nga may 8,042 .
Sa kinatibuk-ang rehiyon adunay 2,623 ang natala nga namatay samtang sa nakarekober natala na ngadto sa 68,175 ka mga indibidwal .
