GENERAL SANTOS CITY – Napasa na sa natigayong committee hearing kaghapong adlawa, nga gipangunahan ni Kag. Beth Bagonoc, ang ordinansa sa kamugnaan sa Founding Mayors Landmark nga mas nailhan sa tawag nga round ball sa palengke ning dakbayan.
Sa naasoy’ng lugar gikaatkdang ibutang ang estatwa sa tulo ka mitaliwan na nga kanhing mayor sa Gensan.
Hinungdan nga nangandam na karon ang lokal nga panggamhanan alang niini.
Kahibaluan nga tungod niini anaa na sa second reading ang nasampit nga resolusyon sa sunod nga sesyon sa Sangguniang Panglungsod.
Gibutyag ni Bagonoc nga kaniadtong 2011 si kanhi City Councilor Virgie Llido ang naghimo ug ordinansa nga ang round ball sa palengke ang tawgon nga Mayors Founding Park.
Apan gikan sa parki gihimo kining landmark gumikan delikadong adtuan tungod daghan ang mga sakyanan nga gaagi.
