Multahan ug bilangguon ang kinsa mang suspek, probable o confirmed case sa COVID-19 nga mamakak sa tinuod niini nga kahimtang .
Kini human naaprobahan sa Sesyon kagahapong adlawa sa Sanggunian Panglungsod ang ordinansa nga giduso ni Kagawad Jose Edmar Yumang nga may titulo nga; “An ordinance strengthening the COVID-19 quarantine isolation protocol.”
Lakip nga multahan ug silutan pagkabilanggo ang mga pasyente, LSI,ROF ug APOR nga mobiya sa isolation facility ingon man ang mutabang sa ilang pag-ikyas.
Nakasabutan ang multa nga P5,000 ug kung walay ikabayad magpahigayon og community service sulod sa traynta ka adlaw o pagkabilanggo hangtud usa ka tuig.
Bisan ang tawo nga motago sa LSI, ROF, suspected, probable o confirmed COVID-19 patient ang apil mag-atubang sa parehong multa ug silot.
Samtang kaso nga administratibu ug kriminal ang ipahamtang sa usa ka public officer nga mutabang sa pasyente aron makaikyas sa isolation facility .
