GENERAL SANTOS CITY – Gawas pa sa mandatory nga pagsul-ob of face mask, napasa usab nga ordinansa sa 5th special session sa Konseho kagahapon ang pagpatuman sa price cut o price freeze sa mga funeral og crematorium services sa dakbayan.
Giuyunan sa mga konsehal sa dakbayan nga ang mga establisiemento nga nagpahigayon og pag-imbalsamo sa namatay nga tawo, nagpahigayon og disinfection og lain pang serbisyo nga gitanyag sa punerarya ang magpatuman og price freeze atol sa gipatumang Enhanced Community Quarantine.
Samtang napasa usab sa sesyon ang resolusyon nga gahangyo sa SOUTH COTABATO II ELECTRIC COOPERATIVE, INC. (SOCOTECO II) og General Santos City Water District nga maghatag og 30% discount sa tanang miyembro sa kooperatiba; did-an ang pagputol sa kuryente sa consumers nga pakyas nga makabayad og magpatuman og tulo ka bulan nga installment payment program sa bayrunon sa ilang kureyente niadtong Marso og Abril atol sa ECQ.
