GENERAL SANTOS CITY – Dili lung-an sa Commission on Elections (Comelec) ang mga badlungon nga kandidato sa Barangay ug Sangguniang Kabataan Elections (BSKE).
Kini human gibutyag ni Comelec Assistant Regional Director Atty Jose Villanueva nga adlaw-adlawon sa COMELEC ang pagbaklas sa mga iligal nga campaign materials luyo sa padayon nga pagbutang sa mga campaign materials sa mga gibawal nga lugar.
Sa gipahigayon nga Oplan Baklas nakita sa mga personahe sa Comelec nga ang mga poster gibutang sa dalan sa mga poste sa kuryente samtang lakip gitangtang ang mga daw-banderitas nga posters nga gipangbutang sa kadalanan.
Una ng gibutyag sa poll body nga bawal ibutang sa pampubliko nga dapit ang mga campaign materials gawas na lamang sa common poster areas.
Samtang wala tandugan sa taga COMELEC ang mga poster nga nakabutang sa pribadong lugar nga adunay pagtugot sa tag-iya.
Ang mga nabaklas nga posters himuong ebidensya sa COMELEC batok sa mga pasaway nga kandidato.
Subli usab nga nanawagan ang poll body nga dili unta kabitan ug mga posters ang mga poste ug linya sa mga internet, telepono ug cable wires.
