Padayon nga nag-operate ang mga Electric Cooperatives sa nagkalain-laing lugar sa Northern Luzon nga naapektuhan sa Bagyong Isang.
Sa pagkakaron, ang Disaster Risk Reduction and Management Department sa National Electrification Administration walay nadawat nga report sa kadaot o malfunction gikan sa Electric Cooperatives.
Kini usa ka pruweba nga ang mga pagpangandam ug pag-amping nga gihimo ug nagmalampuson sa pagpanalipod sa imprastraktura sa kuryente.
Hinuon, bisan pa sa normal nga operasyon, ang tanang Electric Cooperatives (EC) nagpabiling alerto ug mabinantayon sa posibleng epekto sa bagyo.
Andam sila sa bisan unsang epekto sa bagyo sa ilang mga linya ug pasilidad.
Andam usab ang ilang contingency measures nga ipatuman dayon kon gikinahanglan aron maminusan ang bisan unsang negatibong epekto sa dili maayong panahon sa ilang mga serbisyo ug sa mga komunidad nga ilang gialagaran.
Kini nga mga lakang nagtumong sa pagsiguro nga ang suplay sa kuryente magpabilin nga lig-on ug kasaligan bisan pa sa bagyo.
Sa laing bahin, gikumpirma sa National Grid Corporation of the Philippines (NGCP) nga nagpabiling normal usab ang ilang operasyon.
Ang ilang mga linya sa transmission ug pasilidad naglihok nga wala’y mga problema.
Nagpadayon sila sa pagmonitor ug pagpahigayon og regular nga inspeksyon aron masiguro ang integridad sa ilang grid ug malikayan ang bisan unsang pagkabalda sa suplay sa kuryente.
Pinaagi sa koordinasyon sa Electric Cooperatives, ang NGCP nagtrabaho aron mamentinar ang padayon nga pagdagayday sa kuryente sa tibuok rehiyon.
